«Որպես առաջին քայլ՝ հայելային հետքաշումը լավագույն տարբերակն է»․ Էդուարդ Աղաջանյան

Այսօր՝ ասուլիսի ժամանակ, ԱԺ արտաքին հարաբերությունների հանձնաժողովի նախագահ Էդուարդ Աղաջանյանը, անդրադառնալով Ադրբեջանի կողմից հայելային հետքաշման մերժմանը, ասաց․ «Իրապես այն առաջարկությունները, որոնք Հայաստանի կողմից ներկայացվել են մեր գործընկերներին, դրանք ամենևին նախապայմաններ չեն»։
Աղաջանյանը նշեց, որ գործնականում հնարավոր չի լինի սկսել սահմանազատման և սահմանագծման գործընթացը՝ առանց անվտանգային պայմանների։
«Մեր ընկալումն այն է, որ մեր ռուս գործընկերները կիսում են մեր դիրքրոշումը և որպես առաջին քայլ հայելային հետքաշումը լավագույն տարբերակն է»,- նշեց նա։