«Քանի դուք կաք, ԵԽԽՎ-ներում Նիկոլ Փաշինյանի իշխանությանը համարելու են ժողովրդավարական»․ Նորայր Նորիկյան

«Արդար Հայաստան» կուսակցության նախագահ Նորայր Նորիկյանը ֆեյսբուքյան իր էջում գրել է. «Խորհրդարանական ընդդիմության, ինչպես նաև նախորդ տարիների ընթացքում տարբեր ձևաչափերով իշխանական լծակներ ունեցող մի շարք անձինք շոկի մեջ են ընկել՝ ծանոթանալով Եվրոպայի խորհրդի խորհրդարանական վեհաժողովի կողմից ընդունված բանաձևին, որը վերաբերում է Հայաստանում ժողովրդավարական ինստիտուտների գործունեությանը։
Այս մարդիկ այդպես էլ չհասկացան, որ իրենց ֆոնին գործող իշխանությունը մշտապես ընկալվելու է այնպիսին, ինչպիսին արձանագրվել է ԵԽԽՎ բանձևում։
Այս մարդիկ այդպես էլ չեն ուզում ընկալել, որ մեր հանրությունը գործող իշխանության դիրքերի ամրապնդման, նրանց ժողովրդավարական իմիջի կերտման, գործունեության, իշխանության գալու և այն պահպանելու համար պարտական են իրենց՝ նախկին իշխանություններին և նրանց սպասավորներին։
Շառաչուն ապտակը, որ ստացել եք, խոսուն ազդանշան է, որ Դուք Ձեր տեղում չեք։
Քանի Դուք կաք, ԵԽԽՎ-ներում Նիկոլ Փաշինյանի իշխանությանը համարելու են ժողովրդավարական, իսկ Կրեմլում նրան համարելու են իմաստուն քաղաքական գործիչ․․․
Հ․Գ․ Որևէ մեկդ չփորձեք չքմեղանալ։ Այսօրվա Հայաստանի համար հավասարաչափ պատասխանատու եք բոլորդ՝ ներկա ու նախկին․․․»։