«Ձեռքիս տակ ունեմ բոլոր փաստաթղթերը․ ծայրահեղ անհրաժեշտության դեպքում՝ կհրապարակեմ»․ Ս․ Սարգսյան

«Ամբողջ խնդիրը նրանում է, որ Կազանում փաստաթուղթ չընդունեցինք: Այնտեղ պետք է հռչակագիր լիներ, այսինքն՝ առանց ստորագրությունների հայտարարվեր, քանի որ հիմնական փաստաթուղթը պետք է լիներ միջպետական պայմանագիրը՝ համապարփակ պայմանագիրը Լեռնային Ղարաբաղի խնդրի խաղաղ լուծման, որն ամեն ինչ ներառելու էր»,- ԼՂ հիմնախնդրի բանակցային գործընթացի վերաբերյալ իր հարցազրույցում ասաց ՀՀ երրորդ նախագահ Սերժ Սարգսյանը՝ խոսելով Կազանյան փաստաթղթի բովանդակության և Մադրիդյան սկզբունքների կիրառականության մասին։ Այնուհետև նա հավելեց․ «Իմ ձեռքի տակ ունեմ բոլոր փաստաթղթերը․ ծայրահեղ անհրաժեշտության դեպքում՝ կհրապարակեմ»։

Լրագրողի հարցին՝ դա խաղաղության պայմանագի՞րն էր լինելու, Սարգսյանն արձագանքեց․ «Դա Արցախի խնդրի խաղաղ կերպով լուծելու պայմանագիր էր՝ կնքված երկու կողմերի միջև, ընդ որում, Լեռնային Ղարաբաղի ներկայացուցչի մասնակցությամբ»։