«Այս անգամ ի՞նչ են պահանջելու հայ իշխանություններից իրենց թուրք և ադրբեջանցի գործընկերները». Արման Աբովյան

ԱԺ նախկին պատգամավոր Արման Աբովյանի գրառումը. «Թուրքամետ «խաղաղության դարաշրջանի» բոլոր հայ սիրահարներին երեկ «ողջունել են» Թուրքիայի պաշտպանության նախարարներ Հուլուսի Աքարը և նրա ենթակա, այսպես կոչված, Ադրբեջանի պաշտպանության նախարար Զաքիր Հասանովը, ովքեր հայտարարել են, որ «Թուրքիան և Ադրբեջանը բարեկամության ձեռք են մեկնել Հայաստանին և սպասում են պատասխանի»։

Ես չգիտեմ, թե ինչ են նրանք մեկնել հայերին, սակայն դա ակնհայտորեն «բարեկամության ձեռք» չէ, այլ, ամենայն հավանականությամբ, արյունոտ կացին կամ յաթաղան է։ Թուրքերի «բարեկամությունը» հայերի հետ միշտ կառուցվել է հայերի արյան վրա, հիշենք կիսաթուրք Ալիևի Հայաստանը ոչնչացնելու օրեր առաջ հնչեցրած ուղիղ սպառնալիքի մասին կամ Էրդողանի խոսքերը, թե հույներն ու հայերը մնացորդներ են Օսմանյան յաթաղանի վրա։

Լավ, ես չեմ կենտրոնանա թյուրքական վիժվածքների արտահայտությունների վրա։

Իհարկե, ես հասկանում եմ, որ ներկայիս փաշինյանական իշխանությունը պարզապես ուշադրություն չի դարձնում թուրքերի և ադրբեջանցիների բոլոր սպառնալիքներին և հաճախ արդարացնում է իրենց թուրք ընկերների հակահայկական հայտարարությունները, բայց ամեն ինչ իր սահմանն ունի, նույնիսկ բացահայտ ազգային ինքնասպանությունը, ինչին մեզ տանում են այս իշխանությունները։

Եվ նաև ինքներդ ձեզ հարցրեք՝ թուրքերն ու ադրբեջանցիները կույր ու խո՞ւլ են, որ չեն տեսնում, թե ինչպես է Հայաստանի ներկայիս իշխանությունն անում գրեթե այն ամենը, ինչ պահանջում են նրանից։

Ո՛չ, թուրքերը հաստատ կույր և խուլ չեն։ Ուստի շատ հետաքրքիր է, թե այս անգամ ի՞նչ են պահանջելու հայ իշխանություններից իրենց թուրք և ադրբեջանցի գործընկերները։ Իսկապես շատ հետաքրքիր է»: