ԱԳ նախարարը՝ Անթալիայի դիվանագիտական համաժողովին մասնակցելու մասին

«Ես և պարոն Ռուբինյանը հրավեր ենք ստացել՝ մասնակցելու Անթալիայի միջոցառմանը»,- այսօր՝ Երևանում Ավստրիայի Եվրոպական և արտաքին գործերի դաշնային նախարար Ալեքսանդր Շալենբերգի հետ համատեղ մամուլի ասուլիսի ժամանակ, հայտարարեց ՀՀ ԱԳ նախարար Արարատ Միրզոյանը՝ նշելով, որ մասնակցության վերաբերյալ ՀՀ ԱԳՆ-ն դեռևս որոշում չունի։

«Սա երկկողմ այց չէ և պետք չէ երկկողմ համատեքստում դիտարկել։ Սա միջազգային դիվանագիտական իրադարձություն է, որին ՀՀ-ն կարող է որոշի մասնակցել։ Ես այդտեղ ոչ միայն խնդիր չեմ տեսնի, այլ կարծում եմ, որ եթե այն նույնիսկ շաղկապենք Հայաստան-Թուրքիա երկխոսության հետ, դրական երանգներ հաղորդելուց բացի, այլ բան չունի»,- ասաց Միրզոյանը։