«Վաղը սկսվելու է հերթական խայտառակ դատավարությունը»․ Ռուբեն Մելիքյան

Իրավապաշտպան Ռուբեն Մելիքյանի գրառումը․ «Վաղը ժամը 17:00 Երևանի դատարանի «Կենտրոն» նստավայրում սկսվելու է հերթական խայտառակ դատավարությունը՝ խոսք ասելու (այլ ոչ թե արարք կատարելու) մեղադրանքով:

Այս դատավարության առանձնահատկությունն այն է, որ դատախազությունը հնարել է քրեական օրենսգրքով չնախատեսված նոր հանցակազմ, այն է՝ «վարչապետին պարտադրելը», և այն մեղսագրել է վստահորդիս։ Ըստ մեղադրանքի՝ վստահորդս վարչապետին պարտադրել է հրաժարական տալ՝ 44-օրյա պատերազմում նրա պատճառով մեր կրած ծանր պարտության համար։

Վստահորդս՝ ՌԴ քաղաքացի Արսեն Միրիջանյանը, ողջ պատերազմի ընթացքում և դրանից հետո մեծածավալ օգնություն է ուղարկել Հայրենիք, և հիմա նրան 301.1 հոդվածով դատում են պարտության թիվ մեկ պատասխանատուին հրաժարական տալու «պարտադրանքի» համար»։