Երկուշաբթի, 23 փետրվարի, 2026 թ.
|
Ստեփանակերտում`   +5 °C

«Զախարովան լավ է կատարում իր վրա դրված պարտականությունները»․ Կարեն Հեքիմյան

«Զախարովան լավ է կատարում իր վրա դրված պարտականությունները»․ Կարեն Հեքիմյան
326
Հինգշաբթի, 10 փետրվարի, 2022 թ., 10:30

Քաղաքացու իրավունքների պաշտպան» Կարեն Հեքիմյանի գրառումը. «Կարող եք չսիրել ՌԴ ԱԳՆ մամուլի խոսնակ Մարիա Զախարովային: Կարող եք չհամաձայնվել կամ թերհավատորեն վերաբերվել վերջինիս մտքերին: Սակայն անվիճելի է, որ Զախարովան լավ է կատարում իր վրա դրված պարտականությունները:

Ինչու՞ եմ այդ կարծիքին: Փորձեմ համեմատություն անցկացնել:

Շատ քչերը գիտեն, որ ՀՀ ԱԳՆ-ն մամուլի խոսնակ ունի:

Ավելին՝ նմանօրինակ պաշտոն առկա է ՀՀ բոլոր նախարարություններում: Կարծում եմ, որ մամուլի խոսնակ ունի նաև Փաշինյան Նիկոլը:

ՀՀ հարկատուներից քանի՞սը գիտեն Փաշինյան Նիկոլի, ՀՀ ԱԳՆ-ի կամ Առողջապահության նախարարության մամուլի խոսնակների անունները: Օրինակ՝ ես չգիտեմ: Սակայն նրանք կան, բարձր աշխատավարձ և պարգևավճար են ստանում հարկատուների միջոցներից: Ավելին՝ մեր երկրում մամուլի խոսնակներ ունեն անգամ ԲՈՒՀ-երն ու 100 քմ -ից մեծ տարածք զբաղեցնող գրասենյակներն ու մերսման սրահները: Սակայն դրանցից և ոչ ոք ձեր ամենատարրական հարցին չի պատասխանի (մամուլի ասուլիսների մասին էլ՝ չասեմ): Փորձեք հարց ուղղել հայաստանյան մամուլի խոսնակներին և կհամոզվեք, որ անիմաստ ժամանակ եք կորցնում:

Ի տարբերություն նրանց, Մարիա Զախարովան, Դմիտրի Պեսկովը, Ջենիֆեր Պսակին միշտ ձեր էկրաններին են: Ի դեպ, վերջիններից յուրաքանչյուրը ԵՊՀ-ի կամ Նուբարաշենի աղբանոցի մամուլի խոսնակներից ավելի հասանելի է»:

Աղբյուրը`   Կարեն Հեքիմյան