«Եթե այս թավշյա լապշան դեռ համոզիչ է թվում, ուրեմն արժանի ենք նրան, ինչ ունենք»․ Հայկարամ Նահապետյան

Լրագրող Հայկարամ Նահապետյանը ֆեյսբուքյան իր էջում գրել է. «Հեռու չէ այն օրը, երբ առավոտյան արթնանալով՝ կմիացնենք Մերձավանում արտադրած TV-ն, կհագնենք հայկական կոկորդիլոսի կաշվից կոշիկներն ու իրանա-հայկական Սայնա Արմենիա ավտոմեքենայով, (համալրված Made in Merdzavan հայրենական օդորակիչներով) 10 միլիոն ծառերի շվաքի ներքո կսլանանք օդակայան։ Այնտեղից էլ հայրենական արտադրության օդանավը, որն արտադրում են մասամբ Ստեփանավանում Չեխիայի հետ համատեղ, մասամբ էլ Գյումրիում՝ պարզ չէ, թե ով (2018թ-ին Շիրակի մարզպետի ասածից միայն հասկացա, որ անհայտ ներդրողը մեզ ուղղակի ԽՆԴՐՈՒՄ էր այս նախագիծն անենք), կմեկնենք Գյումրի՝ օդային տրամվայով քաղաքը վերից դիտելու։ Այստեղից էլ մինչև չինական 15 միլիարդանոց ներդրումով խելացի քաղաքը հեռու չէ։ Մենակ թե կորպորացիան, որը ՀՀում իբր $15.000.000.000-ի «խելացի» ներդրում էր անելու, ոնց պարզվեց, իր կայքէջը վերջին անգամ մի 5 տարի առաջ էր թարմացրել։ Ահա նման «լուրջ» ինվեստորի հետ էինք գործ բռնել....
Ցանկը կարելի է շարունակել։ Ու եթե այս թավշյա լապշան, կամ էն լուրերը, որ «Կարսը երկու ժամից մերը կլինի» շատերին դեռ շարունակում են համոզիչ ու գոտեպնդող ապդեյթ թվալ, ուրեմն մենք արժանի ենք նրան, ինչ ունենք»։