«Ու նման մտածողության տեր մարդը պետության ղեկավար է եղել». Արթուր Սաքունց

Իրավապաշտպան Արթուր Սաքունցը ֆեյսբուքյան իր էջում գրել է. «Անվտանգություն անկախությունից հրաժարվելու միջոցով։ Պարզ ու հասարակ, մատը մատին չտալու, ստեղծելու անընդունակությունը հաստատելու, ջանքեր չգործադրելու ու չչարչարվելու, միայն պառազիտակերպ գոյատևելու, փողի վրա նստածի գիտակցությամբ կառավարելու՝ այն է գռփելու փիլիսոփայություն՝ Մետաքսի կոմբինատի սկզբնական կազմակերպության կոմիտեի քարտուղարի մակարդակի կայունությամբ։

Ու սա է քաղաքական կուսակցություններ կոչվածների գերակշիռ մասի փիլիսոփայությունը։

Հա՛ երկիր, հա՛ պետություն, հա՛ մարդ, հա՛ արժանապատվություն, ով է ստեղծել այս ամենը։

Տխուր է, անչափ տխուր է, ու նման մտածողության տեր մարդը պետության ղեկավար է եղել»։