Ընդդիմադիր խմբակցության նախագիծը ՔՊ-ի «տանը կռիվ է գցել». «Ժողովուրդ»

«Ժողովուրդ» օրաթերթը գրում է. «Փետրվարի 23-ին Ազգային ժողովն արտահերթ նիստ կգումարի: Օրակարգում Ադրբեջանի և Թուրքիայի խորհրդարանների կողմից վավերացված «Շուշիի հռչակագիրն» է:

Ընդդիմադիր «Հայաստան» խմբակցության նախաձեռնության նպատակը վերոնշյալ հռչակագրում տեղ գտած հակահայկական մի շարք ձևակերպումներին (այսպես ասած՝ «Զանգեզուրի միջանցքից» մինչև Հայոց ցեղասպանության խեղաթյուրում) հակադարձելն է:

Մեր տեղեկություններով՝ «Հայաստան» խմբակցության նախաձեռնությունն իշխանական «Քաղաքացիական պայմանագիր» խմբակցության «տանը կռիվ է գցել»:

Խորհրդարանական մեծամասնությունն անցանկալի երկընտրանքի առջև է կանգնել՝ կո՞ղմ, թե՞ դեմ լինել ընդդիմության նախագծին: Մի կողմից հակահայ փաստաթղթի քննարկման ու այն դատապարտման խիստ կարևոր հարց է դրված, մյուս կողմից՝ ընդդիմադիրների կողմից բերված նախագիծ է, որին կողմ քվեարկելու բարդույթ ունի ՔՊ-ն:

Կողմ քվեարկելը կշանակի համաձայնել ու ընդունել ընդդիմության առաջ քաշած օրակարգը, բայց այդ մտքի հետ չպատճառաբանված ամբիցիաներով առաջնորդվող իշխանավորները հաշտվել չեն կարողանում: Նիստը տապալել ու փաթեթը չքննարկել էլ չեն կարող, քանի որ հասարակությունը հերթական առիթը կունենա, թե իշխանությունը դեմ է Ադրբեջանի՝ հակահայ քաղաքականությունը դատապարտող նախագծին»:

Մանրամասները՝ թերթի համարում: