«Հայաստանը պետք է դիմադրի այս պատերազմի մեջ ներքաշվելուն․ սա մեզ երբեք չի ներվի»․ Սոսի Թաթիկյան

Հանրային կառավարման մասնագետ Սոսի Թաթիկյանը ֆեյսբուքյան իր էջում գրել է. «Չնայած հնարավոր հակառակ տպավորությանը, մենք ընկեր փորձագետներով անդադար հետևում ենք Ուկրաինայի շուրջ իրադարձությունների զարգացման բազմազան ասպեկտների։ Պարզապես բոլորս չէ, որ այդ թեմայով խոսում կամ գրում ենք, քանի որ այն չափազանց զգայուն է։

Այս պահին իրադարձությունները խիստ անբարենպաստ են զարգանում։ Հակամարտությունը փաստորեն սկսվել է, և չնայած միջազգային միջնորդության շարունակվող ջանքերին, ամեն րոպե կարող է դառնալ լայնամասշտաբ պատերազմ՝ միջազգային տարբեր ուժային կենտրոնների և դաշինքների տարբեր չափերի հասնող ներգրավմամբ։

Հայաստանն ամեն կերպ պետք է դիմադրի այս պատերազմի մեջ ներքաշվելուն։ Սա Ղազախստան չէ։ Սա մեզ երբեք չի ներվի։ Սրա հետևանքները Հայաստանի համար անդառնալի կլինեն։
Մենք պետք է մեր ամբողջ ուշադրությունը կենտրոնացնենք այս հնարավոր պատերազմի՝ Հայաստանի ու Արցախի համար անվտանգային, դիվանագիտական և տնտեսական հետևանքներին դիմակայելու, ինչպես նաև մեր ինքնիշխանությունը պահպանելու վրա»։