«Ռուսները ծրագրում են ճանաչումից բացի դուրս գալ այդ շրջանների սահմաններ»․ Հակոբ Բադալյան

Քաղաքական մեկնաբան Հակոբ Բադալյանի գրառումը․ «Ռուսաստանի անվտանգության խորհրդում ներքին գործերի նախարարը հայտարարում է, որ Դոնբասի և Լուգանսկի ճանաչումը պետք է լինի նրանց ամբողջական սահմանով: Այդ հայտարարությունը հիմք է տալիս առնվազն դիտարկել վարկած, որ ռուսները ծրագրում են ճանաչումից բացի դուրս գալ այդ շրջանների սահմաններ: Դա նշանակում է վերցնել գրեթե այնքան տարածք, որքան արդեն իսկ իրենց փաստացի ենթակայության տակ է:
Դա անելու համար հարկավոր է լինելու իսկապես մասշտաբային պատերազմ, բավարար է նայել քարտեզին: Կրկնեմ, եթե դրվի այդպիսի խնդիր: Իսկ ներքին գործերի նախարարը հազիվ թե ինքնագլուխ արտահայտեր այդպիսի մտքեր:
Իհարկե կարող ենք դիտարկել ևս մի տարբերակ, որ այդ հանգամանքը Պուտինը կարող է փորձել դիտարկել Արևմուտքի հետ սակարկության առարկա: Մյուս կողմից, մեծ հավանականությամբ «սակարկելի» կարող է դիտվել ևս մի տարբերակ՝ հենց այդ սահմաների դուրս գալն ու կանգնելը, ավելի առաջ չգնալը դարձնելով «առևտրի առարկա»:
Էական է, թե ճանաչմանն ինչ է պատասխանելու Ուկրաինան»: