Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Պուտինը շարունակում է «ռուսական հողերի միավորման» քաղաքականությունը». Սուրեն Սուրենյանց

«Պուտինը շարունակում է «ռուսական հողերի միավորման» քաղաքականությունը». Սուրեն Սուրենյանց
203
Երեքշաբթի, 22 փետրվարի, 2022 թ., 18:24

Քաղաքագետ Սուրեն Սուրենյանցի գրառումը․ «Ինչի՞ց պետք է խուսափի Հայաստանը. Պուտինը ճանաչեց Դոնեցկի ու Լուգանսկի ինքնահռչակ հանրապետությունները։ Սրանից ո՛չ հրճվել է պետք, ո՛չ տխրել. Պուտինը շարունակում է «ռուսական հողերի միավորման», նոր կայսրության ստեղծման քաղաքականությունը, որի գաղափարական հիմքերը ձևակերպել է դեռ 15 տարի առաջ՝ Մյունխենի հայտնի ելույթում։

Հիմա պահը հարմար է. միաբևեռ աշխարհին փոխարինելու է գալիս միջազգային հարաբերությունների բազմաբևեռությունը ու Պուտինը համարում է, որ վերցնում է իր «փայը»։ Ժամանակը ցույց կտա, թե դա ինչ կտա ռուսական կայսրությանը՝ նոր վերածնո՞ւնդ, թե՞ ֆիասկո՝ աֆղանական կամպանիայի տապալման օրինակով։ Սկզբունքային է մնում այլ հարց։ Զորքերի կուտակումն ու պատերազմի սպառնալիքը քողածածկույթ էին՝ Դոնբասն ու Լուգանսկը ճանաչելու համա՞ր, թե՞ դրանց ճանաչումն է քողածածկույթի օպերացիա՝ Ուկրաինա ներխուժման ու վարչակարգի փոփոխության համար։

Այս հարցին առաջիկա օրերին կանդրադառնանք, իսկ առայժմ մեր քաղաքական էլիտան պետք է ջանքեր գործադրի՝ «ռուսական աշխարհի» մաս չընկալվելու ու նոր կայսրության օկրաինա չդառնալու ու Լուգանսկի և Դոնեցկի ճանաչումից խուսափելու համար»։

Աղբյուրը`   Սուրեն Սուրենյանց