«Շատ անձինք կարդում են աշխարհում կատարվող իրադարձություններն ու մտածում՝ բա այդպես կարելի՞ էր»․ Տարոն Սիմոնյան

Իրավաբան, ԱԺ նախկին պատգամավոր Տարոն Սիմոնյանի գրառումը․ «Ու հիմա քաղաքական ու պետական գործչի պաշտոն զբաղեցրած շատ անձինք կարդում են աշխարհում կատարվող իրադարձություններն ու մտածում. « ... բա այդպես կարելի՞ էր ...»։
Այո՛, ոչ միայն կարելի էր, այլև անհրաժեշտ էր, եթե դա բխում էր քո ազգային ու պետական շահից։ Իսկ նրանք, ովքեր պատրաստ են իրենց ազգային ու պետական շահը զիջել, առկախել, կասեցնել դրա իրացումը ինչ-ինչ գործոններով, դրսից տրված «խորհուրդներով» կամ այլ պատճառներով, ստիպված են լինելով հավերժ ապրել իրենց ափսոսանքն ու սերունդների անեծքը... որովհետև այն, ինչ պիտի անես քո ազգային ու պետական շահի համար, ՊԻՏԻ ԱՆԵՍ ...
Ու հավատա՝ միջազգային իրավունքով դա կհիմնավորվի, իսկ միջազգային հանրությունը կհարմարվի, եթե, իհարկե, դու գիտես աշխատել հանուն այդ ազգային ու պետական շահի...
Հ.Գ. Եթե սպասեինք ինչ-որ մեկի օգնությանն ու չհավատայինք մեր ուժերին, եթե սպասեինք ինչ-որ մեկի խրախուսանքին ու չնվիրվեինք ազգային երազանքին, երեսունչորս տարի առաջ՝ այս օրերին, Արցախյան շարժումը չէինք սկսի...»։