Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Մի կամեռա, զոնայում 3 օրենքով գող, հարավում էլ կանցավիկ կա, ուզում է 4-րդ գողը դառնա». Ստեփան Դանիելյան

«Մի կամեռա, զոնայում 3 օրենքով գող, հարավում էլ կանցավիկ կա, ուզում է 4-րդ գողը դառնա». Ստեփան Դանիելյան
395
Երեքշաբթի, 22 փետրվարի, 2022 թ., 18:54

Քաղաքագետ Ստեփան Դանիելյանը ֆեյսբուքյան իր էջում գրել է. «Ալիևի հետ Պուտինի հանդիպման գլխավոր միտքը հետևյալն էր. Ուկրաինային դրսի ուժերն օգտագործում էին Ռուսաստանի դեմ, դրա համար Ուկրաինան պատժվեց, բայց, օրինակ, Ղազախստանի իշխանության դեմ երբ «դրսի» ուժերը հեղափոխություն փորձեցին կազմակերպել, ապա Ռուսաստանը միջամտեց ու փրկեց։
Եզրակացություն Ալիևի համար. եթե Ադրբեջանին «դրսի» ուժերը փորձեն Ռուսաստանի դեմ օգտագործել, կլինի նույնն, իսկ հակառակ դեպքում, Ռուսաստանն, անհրաժեշտության դեպքում, կպաշտպանի Ալիևի ռեժիմը։
Հիմա, կամ էլ հետագայում, Ալիևը պետք է ընտրություն կատարի Թուրքիայի, Բրիտանիայի 100 միլիարդ ներդրման ու իր իշխանության պահպանության միջև։ Ծանր ընտրություն է, իսկ որոշ կրիտիկական իրավիճակներում՝ անհնարին։
Մի կամեռա, զոնայում երեք օրենքով գող, հարավում էլ կանցավիկ կա, ուզում է 4-րդ գողը դառնա, դե արի կամեռայում բազմավեկտոր քաղաքականություն վարի»։