Մեծ Բրիտանիան կարգելի էլեկտրատեխնիկայի և կարևոր սարքավորումների արտահանումը Ռուսաստան

«Ի հավելումն ֆինանսական սահմանափակումների, Միացյալ Նահանգների և ԵՄ-ի հետ լիակատար համաձայնությամբ, մենք հայտարարում ենք առևտրի նոր սահմանափակումներ և արտահանման խիստ հսկողություն, այնպես, ինչպես սահմանել է ԱՄՆ-ն: Մենք կներկայացնենք նոր օրենսդրություն և կարգելենք բոլոր երկակի նշանակության ապրանքների արտահանումը Ռուսաստան՝ ներառյալ մի շարք բարձր տեխնոլոգիական և ծայրաստիճան կարևոր սարքավորումներ և բաղադրիչներ այնպիսի ոլորտների համար, ինչպիսիք են էլեկտրոնիկան, հեռահաղորդակցությունը և օդատիեզերական տեխնոլոգիաները»,- քիչ առաջ հայտարարել է Մեծ Բրիտանիայի վարչապետ Բորիս Ջոնսոնը:

Նրա խոսքով, այս առևտրային պատժամիջոցները կսահմանափակեն Մոսկվայի ռազմարդյունաբերական և տեխնոլոգիական ներուժը երկար տարիներ։