Հինգշաբթի, 23 ապրիլի, 2026 թ.
|
Ստեփանակերտում`   +16 °C

Կանադան հայտարարել է Ռուսաստանի դեմ լրացուցիչ պատժամիջոցների մասին

Կանադան հայտարարել է Ռուսաստանի դեմ լրացուցիչ պատժամիջոցների մասին
1207
Ուրբաթ, 25 փետրվարի, 2022 թ., 00:30

Կանադայի վարչապետ Ջասթին Թրյուդոն հայտարարել է Ռուսաստանի դեմ լրացուցիչ պատժամիջոցների մասին՝ կապված Դոնբասում տիրող իրավիճակի հետ։

Նոր պատժամիջոցների տակ են հայտնվել Ռուսաստանի անվտանգության խորհրդի անդամները, ֆինանսների, պաշտպանության և արդարադատության նախարարության ղեկավարները։

«Մենք նոր կոշտ պատժամիջոցներ ենք կիրառում: Այս պատժամիջոցները կվերաբերեն 58 իրավաբանական և ֆիզիկական անձանց, այդ թվում՝ ռուսական էլիտայի անդամներին և նրանց ընտանիքներին, ինչպես նաև Wagner մասնավոր ռազմական ընկերությանը և ռուսական խոշոր բանկերին: Ռուսաստանի Անվտանգության խորհուրդը, այդ թվում՝ պաշտպանության նախարարը, ֆինանսների նախարարը և արդարադատության նախարարը ևս կհայտնվեն պատժամիջոցների տակ»,- իր ելույթում ասել է Թրյուդոն։

Նա նաև նշել է, որ այսուհետ Կանադան հետ է կանչում դեպի Ռուսաստան արտահանման բոլոր թույլտվությունները։