«Առաջին դեպքում տիկինը խոսեց՝ որպես ֆինանսների նախարար, երկրորդ դեպքում՝ որպես ԱԱԾ տնօրեն»․ Արթուր Խաչատրյան

Այսօր ԱԺ նիստում չընդունվեց «Հայաստան» խմբակցության կողմից ներկայացված «Պետական կենսաթոշակների մասին օրենքում լրացումներ կատարելու մասին և պետական նպաստների մասին օրենքում լրացում կատարելու մասին» նախագծերի փաթեթն օրակարգում ընդգրկելու մասին հարցը, որը ներկայացնում էր նույն խմբակցության պատգամավոր Աղվան Վարդանյանը։
«Ես լսում էի հարակից զեկուցողին, ինձ մոտ հարց առաջացավ, օգնեք պատասխանը գտնել։ Առաջին դեպքում տիկինը խոսեց որպես ֆինանսների նախարար, երկրորդ դեպքում խոսեց որպես ԱԱԾ տնօրեն՝ կապված սահմանային հատումների հետ։ Ես կոչ եմ անում ձեզ վերջիվերջո այդ հարցը քննարկել դահլիճում, բովանդակային քննարկում ծավալել, ձեր բովանդակային դիտողությունները ներկայացնել։ Էս ի՞նչ վարվելակերպ ա. ցանկացած հարց, որին դուք դեմ եք, չեք էլ թողնում մտնի ԱԺ օրակարգ և քվեարկվի»,- մինչև քվեարկությունը իշխանական թևի պատգամավոր Հերիքնազ Տիգրանյանի դիրքորոշմանն արձագանքելով, ասաց «Հայաստան» խմբակցության պատգամավոր Արթուր Խաչատրյանը։