«Ով որ ինձ ասի՝ հող եմ հանձնել, էդ մարդկանց հետ մատով եմ խոսալու»․ Փաշինյան

«Ես ամբիոնին չէի մոտենա, եթե հարցի մեջ չլիներ ձեր հերթական պնդումը, որ մենք Արցախի 75 տոկոսը թողել ենք թշնամուն»,- այսօր՝ ԱԺ-կառավարություն հարցուպատասխանի ժամանակ, ի պատասխան «Հայաստան» խմբակցության պատգամավոր Հռիփսիմե Ստամբուլյանի՝ տնտեսական խնդիրների, մասնավորապես, Հայաստան ներմուծվող հացահատիկի վերաբերյալ հարցին, ասաց վարչապետ Նիկոլ Փաշինյանը։
«Ես հիմա պաշտոնապես պահանջում եմ «Հայաստան» և «Պատիվ ունեմ» խմբակցություններից, որ իրենք հրապարակային դիրքորոշում արտահայտեն․ ի վերջո Սանասա՞ր է, թե՞ Կուբաթլի և էդպես շարունակ։ Եթե Սանասար է և ոչ Կուբաթլի, ինչո՞ւ են ձեր լիդերները քսան տարի բանակցել էդ տարածքները Ադրբեջանին հանձնելու վերաբերյալ։ Ընդ որում՝ դա արել են հրապարակային։ Ձեր ընդունած Մադրիդյան սկզբունքներում գրվել է՝ 7 շրջանները վերադարձվում են Ադրբեջանին։ Հիմա ասեք, ա՛յ դավաճաններ, խի՞ եք գնացել հայրենիքը դրել սակարկությունների վրա, որ հացահատիկի գործ անե՞ք․․․ Հերիք ա՝ գաք ստեղ կոկորդիլոսի արցունքներ թափեք»,- ասաց Փաշինյանը։

Ստամբուլյանն ասաց, որ վարչապետն իրավունք չունի մատ թափ տալով խոսել պատգամավորների հետ, ընդդիմադիրները նույնպես դահլիճից արձագանքեցին Փաշինյանի խոսքերին։
«Թափ կտամ մատ, պետք լինի ուրիշ բան էլ թափ կտամ»,- ասաց վարչապետը և հեռացավ ամբիոնից։