«Հայաստանը ձեռնպահ քվեարկեց, Ադրբեջանը չմասնակցեց քվեարկությանը, իսկ Թուրքիան ու Վրաստանը կողմ քվեարկեցին»․ Բ․ Նավասարդյան

Երևանի մամուլի ակումբի նախագահ Բորիս Նավասարդյանը ֆեյսբուքյան իր էջում գրել է. «Հայաստանը, ինչպես և 34 այլ պետություններ, որոնց թվում Չինաստանը, Հնդկաստանը, Պակիստանը, Իրանը, Հարավային Աֆրիկայի Հանրապետությունը, ինչպես նաև ՀԱՊԿ անդամներ Ղազախստանը, Ղրղզստանը, Տաջիկստանը ձեռնպահ քվեարկեցին Ռուսաստանի զորքերը Ուկրաինայից դուրս բերելը պահանջող ՄԱԿ գլխավոր վեհաժողովի բանաձևին։ Դեմ էին 5 պետություններ՝ ՌԴ-ն, Հյուսիսային Կորեան, Սիրիան, Բելառուսը և Էրիտրեան։ Մեր հարևաններից Ադրբեջանը չի մասնակցել քվեարկությանը, իսկ Թուրքիան և Վրաստանը 141 կողմ քվեարկածների շարքում էին»։