Վրաստանը ևս ԵՄ անդամակցության հայտ է ներկայացրել

Վրաստանի վարչապետ Իրակլի Ղարիբաշվիլին ուղիղ եթերում ստորագրել է դիմում՝ երկրին Եվրոմիությանն անդամակցելու թեկնածուի կարգավիճակ շնորհելու մասին։ Կառավարության ղեկավարի ուղերձը հինգշաբթի հեռարձակվել է ֆեյսբուքյան իր էջում, գրում է ՏԱՍՍ-ը։

«Եվրոմիությանն անդամակցելու հայտը ևս մեկ կարևոր հանգրվան է Վրաստանի եվրոինտեգրման ճանապարհին. փուլ, որը նոր էջ է բացում մեր պատմության մեջ և շարունակում է մեր նախնիների ջանքերը, որոնք ուղղված էին միասնական եվրոպական ընտանիքին միավորվելու համար։ Վրաստանը եվրոպական պետություն է»,- հայտի ստորագրումից առաջ ասել է Ղարիբաշվիլին։