«Ազգին պաթոսով մատաղ անելը ոչ մի դեպքում չի կարելի շփոթել հայրենասիրության հետ». Վահե Գրիգորյան

Փաստաբան Վահե Գրիգորյանի գրառումը. «Կա մի հիմնարար ու անառարկելի ճշմարտություն, որը Հայ հասարակության մեծամիտ ու հոտային մտածողության հատվածը չի ցանկանում հասկանալ:
Ճշմարտությունը կայանում է նրանում, որ պետք է հավատարիմ լինել այն պետությանը, որի զորքը Քո փոխարեն պաշտպանում է Քո սահմանը, օրինակ՝ Հայ-թուրքական սահմանը:
Ընդ որում՝ պաշտպանում է այն դեպքում, երբ Դու նրա փոխարեն դա չես ցանկանում ու չես էլ կարողանում դա անել. դեռ մի բան էլ՝ երազում ես, որ Քո բոլոր սահմանները նա պաշտպանի:
Մնացած պաթոսախառն ասույթները Հանս Քրիստիան Անդերսենի կամ Հովհաննես Թումանյանի գրական ոճի հեքիաթներ են. վերջապես պետք է անկեղծ լինել հասարակության հետ, այլ ոչ թե պաթոսի ու ժողովրդավարության կեղծ արժեքների ներքո տանել հերթական անգամ մատաղ անելու:
Ազգին պաթոսով մատաղ անելը ոչ մի դեպքում չի կարելի շփոթել հայրենասիրության հետ. Հայրենասիրությունը Ազգի հարատև զարգացումը ապահովելն է, ծնելիության աճը խթանելը, արտագաղթը դադարեցնելը ու իրական հզոր բանակ ունենալը, որպեսզի պետությունը լինի իրական, այլ ոչ թե թղթի վրա:
Ու քանի դեռ դա չկա ու Հայկական սահմաններից թեկուզև մեկը պաշտպանում է այլ պետություն, ապա պետք է այդ պետությանը հավատարիմ լինել, այլ ոչ թե...»: