«Ռուսաստանի տապալումը նվազեցնելու է հայ-թուրքական հարաբերության կարգավորման մոտիվացիան». Հակոբ Բադալյան

Քաղաքական մեկնաբան Հակոբ Բադալյանի գրառումը․ «Ուկրաինայում Ռուսաստանի տապալումը կամ էական ձախողումը Թուրքիայի մոտ եթե ոչ ամբողջությամբ, ապա թերևս էապես նվազեցնելու է հայ-թուրքական հարաբերության կարգավորման ուղղությամբ աշխատանքի մոտիվացիան, կամ զգալիորեն կոշտացնելու է Անկարայի դիրքորոշումները և պայմանները:

Ուկրաինայում Պուտինի լիարժեք հաղթանակը հայ-թուրքական գործընթացի հանդեպ թերևս առաջացնելու է Ռուսաստանի վերաբերմունքի կոշտացման ռիսկ: Մեզ համար առավել նպաստավոր կարող է լինել կոպիտ, պայմանական ասած, «միջին» իրավիճակը, որը, իհարկե, ենթադրում է մի շարք ռազմական ու քաղաքական գործոնների հանրագումար: Դա թույլ կտա Մոսկվային պահպանել կենսունակություն, այդ թվում՝ Կովկասում և պահպանել ուժերի հարաբերակցության ռեգիոնալ ներկայիս բալանսը:

Այն, իհարկե, մեր օգտին չէ, բայց կարծիքս այն է, որ միջնաժամկետ հեռանկարում մեր օգտին չի լինելու դրա էական «շեղումը»՝ հօգուտ Ռուսաստանի կամ հօգուտ Թուրքիայի»: