«Ենթադրենք՝ բոլորս միահամուռ ուզում ենք, որ Ռուսաստանը հաղթի, բայց պարտվում է․ ի՞նչ ենք անելու»․ Վարդան Հարությունյան

Հասարակական գործիչ, իրավապաշտպան, հրապարակախոս Վարդան Հարությունյանը ֆեյսբուքյան իր էջում գրել է. «Չգիտեմ, թե Հայաստանում որքան մարդ է ապրում։ Էական էլ չէ։ Ենթադրենք բոլորս միահամուռ՝ առանց բացառության, ես էլ հետները, ուզում ենք, որ Ռուսաստանը հաղթի։ Չենք ուզում, երազում ենք։ Անգամ ջոկատ ենք ուղարկում, որը կադիրովականների ու պուտինականների հետ միասին մասնակցում է Կիևի գրավմանը, ռմբակոծում է Խարկովը, Նիկոլաևի մատույցներում մի ամբողջ դպրոց է հօդս ցնդեցնում, բայց ի հեճուկս մեր բոլոր ճիգերի՝ Ռուսաստանը պարտվում է կամ՝ չի պարտվում, բայց կորցնում է իր երբեմնի ուժն ու հնարավորությունները, չի կարողանում դիմակայել Ադրբեջանի տարածքային կառավարման նախարարի տեղակալի պահանջներին ու դուրս է գալիս Ղարաբաղից։ Ի՞նչ ենք անելու։ Էս 12 օր է սա եմ մտածում»։