«Իրան-Ադրբեջան «բարեկամությունն» իրականում»․ Գարիկ Միսակյան

Իրանագետ Գարիկ Միսակյանի գրառումը․ «Իրան-Ադրբեջան «բարեկամությունն» իրականում
Երբ խոսվում է Իրան-Ադրբեջան հարաբերություններում ջերմացումների կամ տնտեսական համագործակցության ակտիվացման վերաբերյալ միշտ պետք է հիշել, որ Իրանը իր հյուսաիսային այս հարևանին իրականում երբեք բարեկամաման պետություն չի համարել և չի համարելու։
Այս պետությունների միջև գոյություն ունեն գրեթե անլուծելի խորքային հակասություններ՝ սկսած Ադրբեջանական հանրապետությունում իսրայելական ու թուրքական ազդեցություննից, մինչև Իրանում անջատողական շարժումների հովանավորությունը Բաքվի կողմից։
Իրան-Ադրբեջան վերջին լարվածության շրջանում իր գոյության և ակտիվացման մասին հայտարարեց այնտեղ գործող «Հուսեյնականներ» կառույցը, որը ստեղծվել էր Լիբանանի «Հիզբալլահի» օրինակով և գործունեություն է ծավալում Ադրբեջանական Հանրապետության տարածքում։
Այժմ էլ, երբ կարծես՝ այդ երկու պետությունների հարաբերություններում արտաքնապես լարվածույուն չի նկատվում, իր գոյության մասին է հայտարարել «Նախիջևանի շիաների» կառույցը, իսկ իրանական սոցիալական ցանցերում ակտիվորեն սկսել են տարածել «Նախիջևանի ազատագրման ժամանակն է» կարգախոսով ազգայնական բնույթի գրառումներ»։