«Ոչինչ ավելի ակնհայտ չի կարող ապացուցել Պուտինի ռեժիմի կատարած հանցագործությունները, որքան հղիների և նորածինների գնդակոծությունը». Պորոշենկո

Ուկրաինայի նախկին նախագահ Պետրո Պորոշենկոն անդրադարձել է ՌԴ ԶՈՒ կողմից Մարիուպոլի ծննդատան հրթիռակոծման փաստին. «Խստագույնս դատապարտում եմ ռուս օկուպանտների անմարդկային դաժանությունը։ Միայն ահաբեկիչները կարող էին հարձակման դիմել ծննդատան և մանկական հիվանդանոցների վրա, ինչն էլ տեղի ունեցավ այսօր Մարիուպոլում։ Աշխարհը պետք է տեսնի այս լուսանկարներն ու սարսափի։
Ոչինչ ավելի ակնհայտ չի կարող ապացուցել Պուտինի ռեժիմի կատարած հանցագործությունները, որքան Ուկրաինայում այսօր հղիների և նորածինների գնդակոծությունը։ Դադարեցրեք այն քողարկել «ռազմական գործողության» մասին բառերով։
Պետք է անհապաղ հրավիրվի ՄԱԿ-ի Անվտանգության խորհրդի նիստ՝ այս խելագար արարքը վերագրելու համար որպես Պուտինի ևս մեկ հանցագործություն մարդկության դեմ և ուկրաինացի ազգի ցեղասպանություն։ Սա պետք է անհապաղ դադարեցվի»: