«Շտապ գրություն եմ ուղարկել միջազգային գործընկերներիս». Թագուհի Թովմասյան

ԱԺ «Պատիվ ունեմ» խմբակցության պատգամավոր Թագուհի Թովմասյանը գրում է. «Մարտի 6-ից սկսած ադրբեջանական զինուժը հետևողականորեն հրետակոծում է Արցախի մի քանի բնակավայրեր, շարունակաբար հոգեբանական ճնշում գործադրում խաղաղ բնակչության նկատմամբ, իսկ այսօր առավոտյան անգամ խաղաղ բնակիչ է վիրավորվել իր տան բակում՝ գյուղատնտեսական աշխատանքներ կատարելիս: Շտապ գրություն եմ ուղարկել միջազգային համապատասխան գործընկերներիս, նրանց ուշադրությունը հրավիրել Ադրբեջանի ապակայունացնող և ահաբեկչական քաղաքականության վրա և խնդրել շտապ արձագանք. անպատժելիությունը բերում է էլ ավելի կործանարար հետևանքների»: