«Հայկական կողմը գիտի՞ Լաչինի միջանցքի աշխարհագրական պարամետրերը»․ Վ․ Աթանեսյան

Քաղաքական վերլուծաբան Վահրամ Աթանեսյանի գրառումը․ «Հայկական կողմը, որ նոյեմբերի 9-ի եռակողմ փաստաթուղթ է ստորագրել, գիտի՞ Լաչինի միջանցքի աշխարհագրական պարամետրերը։ Եթե այն սկսվում է Շուշիի անցակետից և ունի հինգ կիլոմետր լայնություն, ապա ի՞նչ գործ ունեն թշնամու զինծառայողները, օրինակ, Քարինտակում կամ Իսահակի աղբյուրի տարածքում, կամ գազատարի և էլեկտրահաղորդման գծերի մոտակայքում։ Նոյեմբերի 9-ի փաստաթղթով ամրագրված է, որ Լաչինի միջանցքը շրջանցում է միայն Շուշի քաղաքը։ Մյուս բոլոր բնակավայրերը և ենթակառուցվածքներն այդ իմաստով պետք է գտնվեն ռուսական խաղաղապահ զորախմբի վերահսկողության ներքո, քանի որ ըստ եռակողմ փաստաթղթի՝ նրանք տեղաբաշխվում են «շփման գծի և Լաչինի միջանցքի երկայնքով»։ և այս հարցը Մոսկվայի հետ Հայաստանն է պարտավոր քննարկել։ Թե չէ ամեն պահի կարող են նոր «անակնկալներ» լինել»։