Ուրբաթ, 30 հոկտեմբերի, 2026 թ.
|
Ստեփանակերտում`   +8 °C

#EliLilly-ն որոշել է դադարեցնել դեղերի արտահանումը Ռուսաստան

#EliLilly-ն որոշել է դադարեցնել դեղերի արտահանումը Ռուսաստան
5222
Չորեքշաբթի, 16 մարտի, 2022 թ., 00:54

Ամերիկյան Eli Lilly դեղագործական ընկերությունը որոշել է դադարեցնել ոչ խիստ կենսական նշանակության դեղերի արտահանումը Ռուսաստան:

Դեղագործական ընկերությունը նաև ժամանակավորապես դադարեցնում է բոլոր ներդրումները, գովազդային արշավները և նոր կլինիկական փորձարկումները այդ երկրում։

«Ռուսաստանում մեր գործողությունները ներկայումս ուղղված են միայն այն բանին, որ ծանր հիվանդություններ (ինչպիսիք են քաղցկեղը և շաքարախտը) ունեցող մարդիկ շարունակեն ստանալ իրենց անհրաժեշտ դեղամիջոցները»,- ասվում է հաղորդագրության մեջ։

Նաև նշվում է, որ Ռուսաստանում վաճառքից ստացված հասույթը կնվիրաբերվի Ուկրաինային մարդասիրական օգնություն տրամադրող կազմակերպություններին։ Ընկերությունը ՌԴ-ին տրամադրում է նաև կենսական նշանակություն ունեցող դեղամիջոցներ, այդ թվում՝ ինսուլին։