Ուրբաթ, 22 սեպտեմբերի, 2023 թ.
|
Ստեփանակերտում`   +15 °C

«Այսքանից հետո դեռ մի հատ էլ «սպառնըմ են»․ Արթուր Սաքունց

«Այսքանից հետո դեռ մի հատ էլ «սպառնըմ են»․ Արթուր Սաքունց
482
Հինգշաբթի, 17 մարտի, 2022 թ., 23:36

Իրավապաշտպան Արթուր Սաքունցի գրառումը․ «Պուտինն ու Լուկաշենկոն միանշանակ ադեկվատությունն ու մտածելու, վերլուծելու ունակությունը կորցրել են։
Պատերազմը, ագրեսիան սկսելուց առաջ Պուտինը փրփրակալած հայտնում էր, որ Ուկրաինայում իշխանությունը պետք է հեռացվի և այլն, Զելինսկու իշխանությունն էլ որակում էր նացիստական։
Հիմա 22 օր հետո, արդեն Լուկաշենկոյի շուրթերով հայտնում է, թե լավ պայմաններով առաջարկում են Զելիսնկուն հաշտության, թե խաղաղության պայմանագիր կնքի, հակառակ դեպքում ՌԴ-ն հաղթելու է 100 տոկոսով ու լինելու է կապիտուլիացիայի պայմանագիր արդեն Զելինսկու համար։
Ուրեմն թիվ մեկ արձանագրում։
Զելինսկուն և իշխանությանը Ուկրաինայում փոխելու մտադրությունից հրաժարվել են։
Արձանագրում թիվ երկրորդ
Երեք շաբաթ անց էլ կանգնել են տեղում, չեն կարողացել որևէ խոշոր քաղաք գրավել, ավելին մեծ կորոստներ են տվել։
Երրորդ արձանագրում
Ամբողջ աշխարհի կողմից բացի նույն Լուկաշենկոյից չունի ռեալ դաշնակից՝ իրենց սանձազերծած արկածանդրության գործում։
Չորրորդ արձանագրում
Պատժամիջոցներից ամբողջ տնտեսությունը ճգնաժամի մեջ է հայտնվել, ռուբլին սրընթաց արժեզրկվել է, բոլոր խոշոր ներդրողները, տնտեսավարողները՝ ամենատարբեր բնագավառների, փակել են իրենց բիզնեսը Ռուսաստանում։ Ապրանքների դեֆիցիտն ակնհայտ է։
Ու այսքանից հետո դեռ մի հատ էլ «սպառնըմ են»․․․
Իհարկե, սպառնալու որևէ հիմք կամ փաստարկ կամ վիճակ չունեն։
Պուտին ու Լուկաշենկո, Դուք եք կապիտուլացվելու ու ստիպված եք լինելու կապիտուլիացիայի փաստաթուղթը կուլ տալու, կամ հանձնվելու պայմանագրի ստորագրման համար օգտագործված գրիչը կրծելու կամ էլ Ձեր «վիզկապները» ծամելու։
Ու ինչքան շուտ կապիտուլացվեք, այնքան մարդկային զոհերը քիչ կլինեն, ու այնքան մեղադրանքի ծավալը Հաագայի դատարանում ավելի քիչ կլինի, չնայած մեկ է նստելու եք։
Ուղղակի ասենք ցմահ ազատազրկման կամ 25 տարի ազատազրկման փոխարեն գուցե 24 տարի նստեք, գուցե վաղաժամկետ ազատման հնարավորությունը պահպանեք»։

Աղբյուրը`   Արթուր Սաքունց