«Ուկրաինայում տեղի ունեցողը հարկ է դիտարկել Հայաստանի պետական, ազգային շահի տեսանկյունից». Ա. Բաբաջանյան

Նախկին պատգամավոր Արման Բաբաջանյանի գրառումը. «Ուկրաինայի սուվերեն տարածք Ռուսաստանի ներխուժման և ահասարսուռ պատերազմի 22-րդ օրը, և այսպես պատերազմի ամեն օրվա հետ, ավելի եմ համոզվում, որ Ուկրաինայում տեղի ունեցողը հարկ է դիտարկել Հայաստանի պետական, ազգային շահի տեսանկյունից: Իսկ դա նշանակում է, որ Հայաստանն այդ պատերազմի համատեքստում չպետք է հայտնվի ինչպես Ռուսաստանի, այնպես էլ Արևմուտքի դեմ, պետք է անի այդպիսի վիճակում չհայտնվելու համար առավելագույնը: Մոլորություն ունենալը՝ մոլորվողների, ոչ թե «մոլորեցնողների» խնդիրն է:
Հետևաբար, պետք չէ մոլորվել, բայց նաև մոլորությանը հավասարազոր է ներկայիս իրավիճակում Արևմուտքի «երեսպաշտության» կամ «երկակի ստանդարտի» մասին անընդհատ քննարկումը, այդ մասին խոսակցությունները տրենդայիններից մեկը դարձնելը:
Հայաստանում պետք է տրենդային դարձնել շահերի առարկայական ձևակերպման գործընթացը, որտեղ պետք է հաշվի առնվեն առկա իրողություններն առանց մանկամիտ կամ միամիտ մոլորությունների և պատրանքների, հետո որևէ մեկից չնեղանալու համար»: