«Պատերազմը սանձազերծել է Պուտինը, ոչ թե՝ Ուկրաինան». Արթուր Սաքունց

Իրավապաշտպան Արթուր Սաքունցը գրում է. «Ըստ իբր թե իրենց օբյեկտիվ, անկողմնակալ համարողների՝ ուկրաինացիները դաժանորեն պաշտպանվում են հատուկ օպերացիա իրականցնող Պուտինի խեղճ ագրեսիայից: Սա էլ վատ ծպտված հայաստանյան պուտինիստների մի փոքր խումբ է, որը չհամարձակվելով ուղղակի աջակցելու պուտինյան ավանտյուրան, որպես աջակցության տարբերակ՝ գտել են ոճրագործություններ վերագրել նաև ուկրաինական զորքերին:

Բայց մի «փոքր» նրբություն հաշվի չեն առնում, որ պատերազմական գործողությունները տեղի են ունենում Ուկրաինայի տարածքում, ոչ թե Ռուսաստանի տարածքում. պատերազմը սանձազերծել է Պուտինը, ոչ թե՝ Ուկրաինան: Մյուս կողմից, պատերազմում, անկախ նրանից, թե ովքեր են կողմերը, երկու կողմերն էլ զենքեր են կիրառում, ոչ թե մեկը՝ զենք, մյուս կողմը՝ թիթեռ, ու երկու կողմերն էլ զոհեր են ունենում:

Ու այսքանից հետո, եթե չես դատապարտում պուտինյան ագրեսիան, գոնե դատապարտիր պատերազմը:

Բայց լավ էլ գիտակցում են այդ վատ ծպտյալ պուտինիստները, որ պատերազմի դատապարտումը հենց պուտինյան ագրեսիայի դատապարտումը կլինի, ու քանի որ պուտինիստ են, ապա ոչ թե դատապարտում են անգամ պատերազմը, այլ փորձում են զոհի՝ Ուկրաինայի պաշտպանվելը հավասարեցնել դահիճի, ագրեսորի՝ Ռուսաստանի գործողություններին: Պրիմիտիվ շուստրիություն»: