Փակ և դվարանցանելի ճանապարհներ՝ Արցախում

Արցախի ներքին գործերի նախարարության արտակարգ իրավիճակների պետական ծառայությունն իրազեկում է, որ առատ ձյան պատճառով հանրապետության տարածքում կան դժվարանցանելի և փակ ճանապարհներ:

Միջշրջանային բոլոր ճանապարհները դժվարանցանելի են, բարձր լեռնային գոտիներում՝ փակ, տեսանելիությունը՝ ցածր։
Ստեփանակերտ-Շուշի-Բերձոր միջպետական մայրուղու Լիսագորի հատվածում առկա է մերկասառույց։

Փակ է նաև Սյունիքի մարզի Սիսիան-«Զանգեր» հատվածը և Վարդենյաց լեռնանցքը։

Գիշերվանից կատարվում են մաքրման աշխատանքներ, միաժամանակ ձյան տեղումները չեն դադարում։ Այս պահին Հանրապետության բոլոր շրջաններում, Սյունիքի և Վայոց ձորի մարզերում տեղում է ձյուն։

Ներքին գործերի նախարարությունը հորդորում է բոլոր վարորդներին՝ ցուցաբերել զգոնություն և երթևեկել բացառապես ձմեռային անվադողերով, անհրաժեշտության դեպքում՝ կիրառել անվաշղթաներ