Զելենսկին հայտնել է, որ պատրաստ է Պուտինի հետ խոսել Ղրիմի և Դոնբասի մասին

Ուկրաինայի նախագահ Վլադիմիր Զելենսկին «Суспiльне»-ին տված հարցազրույցում ևս մեկ անգամ հայտարարել է Վլադիմիր Պուտինի հետ հանդիպելու պատրաստակամության մասին:

«Պատրաստ եմ բարձրացնել Ղրիմի և Դոնբասի հարցը։ Օկուպացված տարածքների հարցը կարևոր է մեզ համար»,- ասել է նա։

Զելենսկին նշել է, որ, ստանձնելով նախագահի պաշտոնը, խոստացել է «ամեն ինչ անել, որպեսզի Դոնբասը և Ղրիմը վերադառնան»։ Նա դա անվանել է «ժամանակի հարց», և նշել, որ գործընթացի առաջին քայլն Ուկրաինային անվտանգության երաշխիքներ տրամադրելն է և հատուկ գործողության ավարտը։ Զելենսկին նաև հայտարարել է, որ Կիևը չի կարողանա կատարել Ռուսաստանի բոլոր «վերջնագրերը», և որ պետք է «փոխզիջումներ» փնտրել։