«Ադրբեջանը հնարավոր ամեն բան անում է, որ Հայաստանն իրեն իրավունք վերապահի զորք մտցնել Շուշի». Արման Յարալյան

Ռեժիսոր, մուլտիպլիկատոր Արման Յարալյանը ֆեյսբուքյան իր էջում գրել է. «Ադրբեջանը հնարավոր ամեն բան անում ա, որ Հայաստանն իրան իրավունք վերապահի զորք մտցնել Շուշի, որովհետև հանդիսանում ա Արցախի հայության անվտանգության երաշխավորը, նու ռազմական դոկտրինում տենց ա գրած, նա արխային բզում ա, որովհետև գիտի, թե մեր ձեռներն ով ա բռնում ու երբ։

ՀՀ-ում կային տենց մարդիկ, ովքեր կարծում էին, թե Արցախը բալաստ ա, որից հրաժարվելով կարելի ա խախանդ ապրել, բայց դե մտածողներից և ոչ մեկին չհաջողվեց ազատվել դրանից, որովհետև Արցախի արժեքը համաշխարհային բալանսում սխալ էին հասկացել։

Հիմա էնքան կցավացնեն, մինչև նորից պահանջատիրականությունը կդառնա նորմալ երևույթ, կհնչեն խնդիրը ռազմական ճանապարհով լուծելու կոչեր, կգտնվեն հարմար մարդիկ, ովքեր իբր կարան խնդիրը լուծեն։
Կոնֆլիկտը նորից ու նորից կգնա իրա ստանդարտ վիճակին, երբ երկու կողմն էլ հավասարապես ցանկանում են միմյանց ոչնչացնել։

Եթե կոնֆլիկտի լուծման բանալին մեր ու հարևանների ձեռքին լիներ, վաղուց էս հարցին մի օպտիմալ լուծում էր տրվել, բայց ոչ. այն մերն ա էնքանով, որքանով մեզ ա ցավ տալիս, բայց որպես գործիք օգտվում են ուրիշները։ Հազարներով մարդկանց հետ տանել-բնակեցնելու իմաստը պատանդ պահելն էր, խոշոր լծակ ՀՀ-ի ու հայության գլխին, այլոց հետ հարաբերվելու անշեղորեն գործող մեխանիզմ։ Ո՞նց սա լուծես, նախ պետք ա կարանաս գնահատես, թե ինչի են ցավացնում»։