Հետհաշվարկն ավարտված է՝ Anonymous-ը հրապարակել է Nestle-ի տվյալների բազան

897

Երեքշաբթի, 22 մարտի, 2022 թ., 20:06

Anonymous հաքերային խումբը կոտրել է աշխարհի խոշորագույն պարենային ընկերություններից մեկի՝ Nestle-ի տվյալների բազան՝ Ռուսաստանի Դաշնությունում աշխատանքը շարունակելու որոշման պատճառով՝ չնայած Ուկրաինայի դեմ պատերազմին։

Այս մասին հաքերները հայտնել են Twitter-ում։

Anonymous-ը նախօրեին սպառնացել էր Ռուսաստանի Դաշնությունում դեռևս գործող բոլոր ընկերություններին և տվել 48 ժամ՝ Ռուսաստանի Դաշնությունը լքելու համար, հակառակ դեպքում նրանք կդառնան հաքերների թիրախը։

Այսօր արդեն Anonymous թիմը հրապարակել է աշխարհի խոշորագույն պարենային ընկերության՝ Nestlé-ի տվյալների բազան՝ 10 ԳԲ արտահոսք՝ էլփոստի տվյալների, գաղտնաբառերի, Nestlé բիզնես-հաճախորդների և այլնի»,- ասել են հաքերները:

Շվեյցարական Nestle՛-ն սննդի խոշորագույն ընկերություններից մեկն է, որը շարունակում է գործել Ռուսաստանում: 2020 թվականին այն վճարել է Ռուսաստանի բյուջեին 502 միլիոն դոլար: Nestle Corporation-ին են պատկանում մի շարք հայտնի ապրանքանիշեր՝ Nescafe, Nesquik, Kit Kat, Purina, Nuts, Fitness: Ընկերությունը հակաէթիկական չի համարում Ռուսաստանում աշխատելը և շարունակում է աշխատել այնտեղ, թեև նախկինում դադարեցրել է ոչ հիմնական ապրանքների ներմուծումն ու արտահանումը Ռուսաստան և դադարեցրել է կապիտալ ներդրումները ագրեսոր պետությունում։

JUST IN: The #Anonymous collective has leaked the database of the largest food company in the world, Nestlé. Leaked 10GB data of emails, passwords, Nestlé business costumers, etc. #OpRussia #boycottnestle #PullOutOfRussia pic.twitter.com/rvVkn0ygxj
— Anonymous TV