Ռուսաստանը 13 միլիարդ ռուբլի կհատկացնի նոր էլեկտրամոբիլների արտադրության համար

Լիպեցկի մարզում կմեկնարկի Evolute ապրանքանիշով էլեկտրական մեքենաների արտադրությունը։ «Կանաչ» մեքենաների արտադրությունը կկազմակերպի Motorinvest-ը: Սպասվում է, որ 11 տարվա ընթացքում այդ նպատակների համար կծախսվի 13 մլրդ ռուբլի։ Ընդհանուր առմամբ, այս ընթացքում նախատեսվում է արտադրել 242 հազար էլեկտրամոբիլ։ Համապատասխան հատուկ ներդրումային պայմանագիրը ստորագրել են Լիպեցկի մարզը և Motorinvest-ը։

Motorinvest-ի նախատեսվող ներդրումները գերազանցում են 13 միլիարդ ռուբլին։ Ակնկալվում է, որ մինչև SPIC-ի ժամկետը լրանա, արտադրանքի տեղայնացման մակարդակը կհասնի 5000 միավորի։ Նախագծի իրականացման ընթացքում կարտադրվի հինգ մոդելի ավելի քան 242.000 էլեկտրական մեքենա»,- պարզաբանել է ՌԴ արդյունաբերության և առևտրի նախարար Դենիս Մանտուրովը:

Evolute շարքը բաղկացած կլինի հինգ մեքենայից: Ակնկալվում է, որ Լիպեցկի մարզում արտադրված մեքենաների մարտկոցի մեկ լիցքավորման վազքը կկազմի 200-700 կմ: Նախագծի մեկնարկի ստույգ ամսաթիվը դեռևս չի նշվում: