«Եթե պատրաստ լինեինք, կարող էինք լուծել մեր զարգացման ու ամրացման հարցն աներևակայելի արագությամբ»․ Կարեն Ադոնց

Տնտեսագետ Կարեն Ադոնցը գրում է. «ԵԹԵ 1,5 ՏԱՐԻ ԱՌԱՋ ԱՆԵՅԻՆՔ (ԿԱՄ ՀՆԱՐԱՎՈՐՈՒԹՅՈՒՆ ՏՐՎԵԼ ԱՆԵԼ) ԱՅՆ, ԻՆՉ ԱՍՎՈՒՄ ԷՐ, ՈՐԵՎԷ ՄԵԿՆ ԱՅՍՕՐ ՉԵՐ ՀԱՆԴԳՆԻ ՄԵՐ ՎՐԱ ԶԵՆՔ ԲԱՐՁՐԱՑՆԵԼ։ ԱՎԵԼԻՆ՝ ՄԵՐ ՏՆՏԵՍՈՒԹՅՈՒՆԸ ՊԱՏՐԱՍՏ ԷՐ ԼԻՆԵԼՈՒ ԻՐ ՀԱՄԱՐ ԱՐԴՅՈՒՆԱՎԵՏ ՏԱՐԲԵՐԱԿՆԵՐՈՎ «ԿԼԱՆԵԼ» ԵՎ ԱՅՍՕՐՎԱ ՄԱՍՆԱԳԻՏԱԿԱՆ ՆԵՐՀՈՍՔԸ ԵՎ ՆՈՐ ՇՈՒԿԱՅԱԿԱՆ ՀՆԱՐԱՎՈՐՈՒԹՅՈՒՆՆԵՐԸ։
ՄԵԶ ԱՆՀՐԱԺԵՇՏ ԵՆ ԼԱՅՆԱԾԱՎԱԼ ԿԱՌՈՒՑՎԱԾՔԱՅԻՆ ՎԵՐԱՓՈԽՈՒՄՆԵՐ, ՈՐ ԱՄԵՆ «ԿՐԱԿՈՑԻՆ» ՉՎԱԽԵՆԱՆՔ ՊԱՏԱՍԽԱՆԵԼ։
Երեք տարի շարունակ խոսում ենք՝ ՏՏ ոլորտից, գյուղատնտեսությունից, տուրիզմից և պղնձի գնից։ Հիմա բոլորն իրենց «տեղերում» են՝ դե թող զարգանանք։
Լսեք, մեր ՏՏ ոլորտի ծավալը մոտ՝ 500-700մլն դոլար է (մոտավորապես՝ 17 000 աշխատատեղով)։ Ասենք՝ ռուս և ուկրաինացի մասնագետներով, նոր գրանցված ընկերություններով (էլի 17 000 նոր աշխատատեղ) կրկնապատկեցինք էդ ծավալը։ Այդ 700մլն $ նոր ծավալից բյուջեի մուտքերը կազմելու են միջինը 10%- 70մլն $, մուլտիպլիկատիվ շրջանառությամբ՝ մոտ 120մլն $։ Մեր պետբյուջեի եկամուտները կազմում են մոտ 4մլրդ $։ Այսինքն, սա բյուջեն կարող է ավելացնել առավելագույնը՝ 3%-ով։ Շատ կարեւոր ոլորտ է բոլոր առումներով, բայց միայն դա՝ մեզ չի «փրկի»։
Նախնական կանխատեսումներով, ՌԴ արդյունաբերության տարբեր ոլորտների՝ ճշգրիտ մեքենաշինություն, էլեկտրոնիկա, էլեկտրատեխնիկա, ավտոմոբիլաշինություն, քիմիա, դեղագործություն և այլն՝ մոտ 200 000 բարձրակարգ մասնագետներ, հասկանալի պատճառներով կորցնելու են աշխատանքը։
Եթե մենք պատրաստ լինեինք՝ համահայկական ԲԲԸ-ն շուկայական համակարգը, արդյունաբերական գոտիները, կապիտալի շուկան և այլն, ապա կարող էինք լուծել մեր զարգացման ու ամրացման հարցը աներևակայելի արագությամբ։
Գիտեք ձեզ ի՞նչ եմ առաջարկել՝ խելացի գոմե՞ր։
ՄԵԶ ԱՆՀՐԱԺԵՇՏ ԵՆ ԼԱՅՆԱԾԱՎԱԼ ԿԱՌՈՒՑՎԱԾՔԱՅԻՆ ՎԵՐԱՓՈԽՈՒՄՆԵՐ, ՈՐԸ ՀԱՍՏԱՏ ՉԵՆՔ ԱՆԵԼՈՒ՝ ՀԻՄԱ ԵՆՔ ԱՐԴԵՆ «ԽՃՃՎԵԼ»»։