«Պոկելով գալիս ենք». ոստիկանները՝ Գարիկ Սարգսյանի նկարներով պաստառների մասին

Վեդի խոշորացված համայնքի տեղական ինքնակառավարման մարմինների՝ այսօր տեղի ունեցող ընտրությունների ժամանակ Արարատի նախկին մարզպետ և այժմ Վեդի համայնքի ղեկավարի պաշտոնակատար, Նիկոլ Փաշինյանի սանիկ ու մտերիմ, «Քաղաքացիական պայմանագիր» կուսակցության ավագանու ցուցակը գլխավորող Գարիկ Սարգսյանի ծննդավայր Նոր Կյանք համայնքի թիվ 13/13 ընտրատեղամասի մոտ 168.am-ի լրագրողը նկատել է ավտոմեքենաներ, որոնց ապակիների վրա փակցված է եղել ՔՊ-ական թեկնածուի լուսանկարով պաստառ:

Դիտարկմանը, թե իրավունք չունեն ընտրատեղամասի մոտ կայանված մեքենաների վրա պաստառներ փակցնել, ոստիկանության աշխատակիցները պատասխանել են, թե պոկելով գալիս են և փնտրում են մեքենայի տերերին, որ այդ մեքենայի պաստառը ևս հեռացնեն: