Իտալական Eni-ն հայտարարել է ՌԴ-ին գազի դիմաց ռուբլով վճարելու անհնարինության մասին

Իտալական Eni-ն չի կարող ռուսական գազի համար վճարել ռուբլով, քանի որ նման հնարավորություն չունի, այս մասին ասել է ընկերության ղեկավար Կլաուդիո Դեսկալցին:

«Մենք չենք կարող դա անել, քանի որ չունենք ռուբլի։ Պայմանագրում նշված է վճարումները եվրոյով կատարելու մասին։ Դուք չեք կարող դա փոխել միակողմանի: Նման փոփոխության համար պետք է համաձայնություն լինի»,- ասել է Դեսկալցին:

Հիշեցնենք՝ ավելի վաղ Պուտինը հայտարարել էր, որ Ռուսաստանը Եվրոպա գազի մատակարարման համար վճարումները ռուբլով կընդունի: