Կիրակի, 15 հունիսի, 2025 թ.
|
Ստեփանակերտում`   +18 °C

«Խաղաղարար» Ռոման Աբրամովիչը թռել է Ռուսաստան՝ Պուտինին հանձնելու Զելենսկու ձեռագիր գրությունը. #DailyMail

«Խաղաղարար» Ռոման Աբրամովիչը թռել է Ռուսաստան՝ Պուտինին հանձնելու Զելենսկու ձեռագիր գրությունը. #DailyMail
2427
Երեքշաբթի, 29 մարտի, 2022 թ., 00:30

«Անցյալ չորեքշաբթի Ռոման Աբրամովիչը օդ բարձրացավ Ստամբուլի Աթաթուրքի անվան օդանավակայանից մասնավոր Hawker 800XP ինքնաթիռով, որը Սև ծովով շարժվում էր դեպի Սոչի։ Նրա ինքնաթիռի թռիչքների հետագծման համակարգը Միներալնիե Վոդի քաղաքի մոտ դուրս է եկել ցանցից, իսկ ավելի ուշ ինքնաթիռը օդ է բարձրացել Մոսկվայի Վնուկովո օդանավակայանից և վերադարձել Թուրքիայի մայրաքաղաք։

Օլիգարխը թռավ, որպեսզի հանդիպի Պուտինին և նրան փոխանցի Զելենսկու ձեռագիր գրությունը, որտեղ շարադրվում էր Ուկրաինայի դիրքորոշումը խաղաղության պայմանների վերաբերյալ: Սակայն ՌԴ նախագահը նրան պատասխանել է. «Փոխանցեք նրան, որ ես դրանք կջարդեմ»։

Աբրամովիչը վերադարձել է Ստամբուլ և կապվել ուկրաինացի քաղաքական գործիչ Ռուստեմ Ումերովի հետ, ով, ինչպես ասում են, հանդես է գալիս որպես Կիևի բանակցող։ Նրանց հանդիպումը Թուրքիայի մայրաքաղաքի հինգաստղանի հյուրանոցում կազմակերպել էր Էրդողանի պաշտոնական ներկայացուցիչ Իբրահիմ Քալընը։ Դրանից հետո Քալընը Hurriyet թերթին ասել է, որ իրենք «մոտ են համաձայնության»՝ առանցքային հարցերի շուրջ։