«Չկա խաղաղության օրակարգ». Դավիթ Գրիգորյան

Հեռուստամեկնաբան, լրագրող Դավիթ Գրիգորյանի գրառումը․ «ՍԱՌՆ ՈՒՂԵՂՈՎ. չկա խաղաղության օրակարգ։ Չեմ հավատում էդ խաղաղությանը։ Ու չի ստացվելու վախի մթնոլորտի միջոցով հասնել Արցախից հրաժարմանը։

Թարմ պատերազմ տեսած հասարակությունը, որը ծեծված է հոգեբանորեն, կարող է համաձայնվել ամեն պայմանի, որ հանկարծ նույն սթրեսը չապրի։

Ոչ թե պետք էր վերջին երկու տարում այս սթրեսը խորացնել, այլ օրնիբուն աշխատել այդ բարդույթը վերացնելու ուղղությամբ։

Երեկվա ԱԽ նիստն ինձ չի համոզելու համակերպվել Արցախի կորստի հետ, այլ ընդհակառակը. խորացավ այն համոզմունքը, որ պետությունից անկախ պետք է կրակել սովորել, կարիքի դեպքում՝ ինքնակազմակերպվել, կուտակվել բանիմաց ռազմական ակումբների շուրջ ու ինքնապաշտպանություն սովորել։

Պատերազմին պատրաստ երկիրն է խաղաղության մեջ ապրում։ Պատերազմից խուսափողը՝ ստանում պատերազմ։ Ազերին չի կանգնելու ու ճար ունենա հենց հիմա կմտնի Երևան։ Ազերին աղոթում է ռուսի անկման համար։ Ազերին թերագնահատելու շրջանն անցավ։ Ազերին հասկանում է միայն զենքի լեզուն։ Ազերին ու թուրքը տարածաշրջանում հայ տեսնել չեն ուզում։

Մենք պիտի ելնենք մեր միայնակության գիտակցումից։ Մեզ օգնող չի լինելու, քանի դեռ ինքներս մեզ չենք ցանկանում օգնել»։