«Որոշ ժամանակ հանգիստ ապրելու համար կա մեկ ճանապարհ»․ Արգիշտի Կիվիրյան

Վերլուծաբան Արգիշտի Կիվիրյանի գրառումը․ «Եթե ես ճիշտ եմ հասկանում զարգացումների տրամաբանությունը, ապա շուտով Արցախի պաշտպանության բանակը կկազմալուծվի, դրա գործառույթների մի մասն էլ ներքին կարգով կտան կամ տեղի Ոստիկանությունը կամ ԱԱԾ-ին, կամ էլ ԱԻՆ-ին, կամ կբաժանեն դրանց մեջ։ Որ դրանից հետո Բաքվի հետ «խաղաղության դարաշրջան» բացող Նիկոլը ադրբեջանցիներին ասի, որ կատարել է նաև նոյեմբերի 9-10 հայտարարության 4-րդ կետը։ Այս մարդիկ համառորեն չեն հասկանում կամ իրենց արգելել են հասկանալ, որ այն հայտնի անեկդոտի մեջի հերոսի պես, եթե ունիտազն էլ բերեն, ու անգամ իրենց քամակն էլ ցուցադրեն, մեկա վերջում զուգարանի թուղթը չեն ստանալու, ու նույն կերպ, քանի մենք ապրում ենք այս տարածաշրջանում, ու ունենք պետականության հավակնություններ, ապա ինչ ուզում ա անենք, թուրքա-ադրբեջանական դաշինքը մեզ հանգիստ չի թողնելու։ Թեորետիկ որոշ ժամանակ հանգիստ ապրելու համար կա մեկ ճանապարհ՝ եթե քրդերը մեր ու Թուրքիայի միջև ստեղծեն բուֆերային պետություն, իսկ մենք էլ կարողանանք հասնել Ադրբեջանի ապաթյուրքացմանը...»։