Հարավային Օսիան մտադիր է միանալ Ռուսաստանին

Հարավային Օսիան մտադիր է մոտ ապագայում իրավական քայլեր ձեռնարկել Ռուսաստանին միանալու գործընթաց սկսելու համար․ հայտարարել է անջատողական Հարավային Օսիայի առաջնորդ Անատոլի Բիբիլովը։

«Ես կարծում եմ, որ Ռուսաստանի հետ միավորումը մեր ռազմավարական նպատակն է, մեր ճանապարհը, ժողովրդի ձգտումները. Եվ մենք այս ճանապարհով ենք շարժվելու։ Առաջիկայում համապատասխան իրավական քայլեր կձեռնարկենք։ Հարավային Օսիայի Հանրապետությունը լինելու է իր պատմական հայրենիքի՝ Ռուսաստանի մաս»,- Բիբիլովին մեջբերում է «Եդինայա Ռոսիա» կուսակցության մամուլի ծառայությունը։

Նրա խոսքով, օս ժողովուրդը պառակտված է, և նրա պատմական ու ռազմավարական նպատակը «միավորումը մեկ պետության շրջանակներում է»։

«Այս պետությունը Ռուսաստանի Դաշնությունն է»,- ընդգծել է Բիբիլովը։