«Հայաստանը պարտավոր է օր առաջ բանակցել միջազգային խաղաղապահների տեղակայման համար»․ Դավիթ Սանասարյան

«Ինքնիշխան Հայաստան» կուսակցության ղեկավար Դավիթ Սանասարյանի գրառումը․ «Այնպես եք «ուռաա՛, տավարիշչի» դեմքով տարածում ռուսական խաղաղապահ ուժերի հաղորդագրությունները, կարծես լավություն են արել, որ ռազմավարական ավելի մեծ նշանակություն ունեցող բարձունքը՝ Քարագլուխը տվել են ադրբեջանցիներին, իսկ համեմատության մեջ նվազ կարևորություն ունեցող Փառուխը վերցրել են իրենց հսկողության տակ։
Ուրեմն վստահ եղեք, որ ադրբեջանցիների առաջխաղացումը կամ այս պահին այդքան էր պլանավորված ադրբեջանառուսական ղեկավարության կողմից, կամ կասեցվեց, քանի որ ԱՄՆ-ի ու Ֆրանսիայի կողմից եղավ կոշտ արձագանք։
Թիզ առ թիզ առաջ են գալիս, դիրքավորվում են, կահավորվում են ու պատրաստվում են հաջորդ առաջխաղացմանը, իսկ դուք գոչեք՝ «կեցցե՛ ռուս խաղաղապահը»։
Հայաստանը պարտավոր է օր առաջ բանակցել միջազգային խաղաղապահների տեղակայման համար, ավելի հարմար պահ չկա, հետո ուշ է լինելու»։