«Հայկական մի քանի դիրքեր ետ են քաշվել». Նիկոլ Փաշինյան

Շարունակելով Արցախում ստեղծված իրավիճակի վերաբերյալ ելույթը՝ վարչապետն ասաց, որ Փառուխի ճգնաժամը ծագել է պայմանավորվածությունների խախտման արդյունքում: «Տարածաշրջանում լարվող իրադրությունը թուլացնելու համար ձեռք էր բերվել պայմանավորվածություն՝ Փառուխ-Խրամորթ հատվածից մի շարք դիրքեր հայելային կերպով հանելու վերաբերյալ ու պայմանավորվածությունը պիտի երաշխավորեր ՌԴ խաղաղապահ զորախումբը: Հայկական մի քանի դիրքեր ետ են քաշվել, ՌԴ խաղաղապահները տեղակայվել են նշված հատվածում, սակայն նրանց աչքի առաջ ադրբեջանցիները ներխուժել են խաղաղապահների պատասխանատվության գոտի: Չնայած ՌԴ ՊՆ-ի, ԱՄՆ-ի, Ֆրանսիայի, ՄԱԿ-ի հայտարարություններին, ադրբեջանական զինված ուժերի ստորաբաժանումների ներխուժումը ԼՂ-ում ՌԴ խաղաղպաահ զորախմբի պատասխանտվության գոտի, այսօրվա դրությամբ շարունակվում է: Ակնկալում ենք, որ ՌԴ զորախումբը կոնկրետ քայլեր կձեռնարկի ադրբեջանական դուրսբերումը խաղաղապահների պատասխանտվության գոտուց ապահովելու համար»,- ասաց Նիկոլ Փաշինյանը: