«Արցախն Ադրբեջանի կազմում ճանաչելը զուտ մի մեղավոր միավոր է ունենալու»․ Սուրեն Սահակյան

«Քաղաքացու որոշում» ՍԴԿ նախկին ղեկավար Սուրեն Սահակյանը ֆեյսբուքյան իր էջում գրել է. «Պատերազմների մեծ մասը երկու ելք են ունենում՝ հաղթանակ կամ պարտություն։ Մեր վերջին պատերազմը մենք պարտվեցինք հազար ու մի պատճառով։ Դրանք որոշ դեպքերում օբյեկտիվ էին, մեծամասամբ՝ խիստ սուբյեկտիվ, որոնցից յուրաքանչյուրում, ի թիվս այլ պատճառների, հանրության մտածողության խիստ դեֆեկտներ կային, որոնք նաև պատերազմի դադարից հետո էլ նկատելի են։
Բայց արդեն էսօր Արցախն Ադրբեջանի կազմում ճանաչելը զուտ մի մեղավոր միավոր ա ունենալու։ Դա կարմիր գիծ ա, հույս ունեմ, շատ-շատերի համար։ Հույս ունեմ նաև, որ էդ շատ-շատերը, ինչպես և Հայաստանը էդ ակտից հետո այլևս կորցնելու բան չի ունենալու ու կգտնեն մեղավոր միավորներին պատժելու ձևը։ Պոտենցիալ մեղավոր կողմին նաև պետք ա հուշել, որ էդ ճանաչումը, որի անունը կարող ա դրվել նոր պատերազմից խուսափելու համար անխուսափելի քայլ, հետագայում մեկ ա՝ ավելի մեծ պատերազմի նախերգանք ա դառնալու։ Այսինքն, միևնույնն ա՝ նպատակին չեն հասնելու, բայց Հայաստանի ու հայ ժողովրդի վիճակը անգամներ բարդացնելու են։ Էսօրվա քաղաքական կոնյուկտուրան մանևրելու մեծ հնարավորություններ ա տալիս ու դրանից չօգտվելը միմիայն մարտնչող տգիտության հետևանք կարող ա լինել, ինչը խիստ վտանգավոր ա ընդհանրապես, իսկ մեր անհանգիստ տարածաշրջանի համար՝ առավելապես»։