«Վրաստանը ՌԴ–ի նկատմամբ տնտեսական պատժամիջոցներ չի կիրառի». Ղարիբաշվիլի

Վրաստանը Ռուսաստանի դեմ տնտեսական պատժամիջոցներ չի կիրառի: Դա բխում է երկրի ազգային շահերից։ Այս մասին այսօր լրագրողներին ասել է Վրաստանի վարչապետ Իրակլի Ղարիբաշվիլին։
«Առաջին օրից, այսօր և երեկ մշտապես և ամենուր գործելու եմ մեր երկրի շահերից ելնելով, և ոչ ոք չի ստիպի ինձ փոխել որոշումս»,- ասել է Ղարիբաշվիլին։
Նրա խոսքով՝ ինքը վարելու է միայն այն քաղաքականությունը, որը պայմանավորված է Վրաստանի ազգային շահերով։