Շաբաթ, 14 մարտի, 2026 թ.
|
Ստեփանակերտում`   +4 °C

Avis-ը դադարեցրել է ավտոմեքենաների վարձույթը Ռուսաստանում

Avis-ը դադարեցրել է ավտոմեքենաների վարձույթը Ռուսաստանում
750
Երկուշաբթի, 04 ապրիլի, 2022 թ., 23:18

Ավելի քան 160 երկրներում ավտոմեքենաների վարձույթի ծառայություններ մատուցող Avis միջազգային ընկերությունը դադարեցրել է իր գործունեությունը Ռուսաստանում։ Համապատասխան հաղորդագրությունը տեղադրված է ընկերության կայքում։

«AVIS-ն ստիպված է 2022 թվականի մարտի 11-ից դադարեցնել բոլոր տեսակի ավտոմեքենաների վարձույթը Ռուսաստանում։ Ժամանակավոր կասեցումը նշանակում է, որ Ռուսաստանում հնարավոր չէ մեքենաներ պատվիրել։ Գործունեությունը դադարեցվել է անորոշ ժամկետով։

Հայտարարության մեջ նշվում է, որ մեքենաների թողարկումը դադարեցվել է մարտի 11-ից, սակայն մինչ օրս ԶԼՄ-ներում այս մասին որևէ հիշատակում չի եղել։

Avis-ի վարձույթի կետերը գործում էին Ռուսաստանի 33 խոշոր քաղաքներում, այդ թվում՝ Մոսկվայում, Սանկտ Պետերբուրգում, Մուրմանսկում, Կալինինգրադում, Նովոսիբիրսկում, Կրասնոյարսկում, Խաբարովսկում և Վլադիվոստոկում:

Ավտոպարկը բաղկացած է մի շարք մոդելներից՝ բյուջետային Hyundai Solaris սեդաններից մինչև պրեմիում դասի ներկայացուցիչներ, ներառյալ Porsche Cayenne-ը, Mercedes-Benz GLS-ը և BMW X7-ը:

Ավելի վաղ հայտնի էր դարձել, որ Citymobil տաքսի ծառայությունը Ռուսաստանում կդադարեցնի աշխատանքը 2022 թվականի ապրիլի 15-ից։ Ընկերությունը երկրում գործում է վերջին 15 տարիների ընթացքում՝ 2007 թվականից: Ինչպես նշում է РБК-ն, այս որոշումը պայմանավորված է ընկերությունում ներդրումները չշարունակելու՝ բաժնետերերի ցանկությամբ:

Կարդացե՛ք նաև