«Երբ աջակցում ենք Քոչարյանին ու Սարգսյանին, չի նշանակում՝ երազում ենք ապրել նախկին անարդարության, հաճախ՝ բեսպրեդելի մթնոլորտում»․ Բորիս Մուրազի

Լրագրող Բորիս Մուրազին ֆեյսբուքյան իր էջում գրել է. «Հաճախ կարելի է լսել խոսակցություններ, թե լավ է նախկին բարքերի Հայաստանը լինի, բայց Արցախը այս վիճակում չլիներ։ Իհարկե լավ կլիներ, որ Արցախն այս վիճակում չլիներ, իհարկե 2018 թվականից հետո առաջ եկած բարքերն աղետալի են, բայց ցավալի է, որ շատերը չեն հասկանում, որ մինչև 2018 թվական եղած բարքերն են ծնել Նիկոլ Փաշինյանին, որն էլ իր հետ բերել է ազգային աղետ։ Եթե չլիներ այդ մթնոլորտը, Փաշինյանը մաքսիմում շարունակեր իր թերթով տարբեր մարդկանց շանտաժ անելու գործը։ Մինչև 2018 թվականը վիճակն այնքան ճահճացած էր, որ մարդիկ նետվեցին առաջին իսկ խելագարի գիրկը։
Ու հիմա, երբ մարդիկ, այդ թվում ես, աջակցում ենք Ռոբերտ Քոչարյանին ու Սերժ Սարգսյանին, դա չի նշանակում, թե երազում ենք ապրել նախկին անարդարության, հաճախ՝ բեսպրեդելի մթնոլորտում։ Սա պարզապես նշանակում է, որ ուզում ենք ազատվել ստորացման այս մթնոլորտից, թշվառ վիճակից ու ազգային աղետ հանդիսացող նիկոլին հեռացնելու ներուժ շատերս այս առաջնորդների մեջ ենք տեսնում»։